بالنسبة للكورس❤️
اليوم 15 العرض موجود (15 الف دينار)
من يوم 16 بالشهر ليوم 5/1 السعر يصير (25 الف دينار)

بعد هالمدة الكورس ينقفل الاشتراك بي لأن ما ممكن طالب يلحك بعد
وممكن نفتحه بعد الدور الاول والله اعلم❤️

بالتوفيــق للجميع❤️

💎بداية خلي نشرح شي مهم واللي هو

Cancer immunosurveillance

واللي هو شلون راح يكدر جهازنا المناعي يكتشف السرطان يعني اسمه بالترجمة الرصد المناعي للسرطان👀

⬅️جهازنا المناعي بطبيعته عنده خلايا تحب تتجول بين الانسجة وتشوف اي مشكلة او تبحث عن اي امور غريبة او Antigens موجودة ونصيح لذني الخلايا

Antigen presenting cells
يعني خلايا تكتشف الانتجين💬

لهنا تمام
انطينا مثال عن هالخلايا❗️
Dendritic cells
هاي ابسط مثال
نروح للخلايا السرطانية
فرضا هاي الخلايا لسبب معين صارلها موت مثلا Apoptosis وماتت فهنا الخلايا السرطانية حتطلع انتجينات نصيحلها
Neoantigens
وهذني بيهن كل المعلومات عن الخلية السرطانية فقط (كونهن غير موجودات بالخلايا الطبيعية الي بجسمنا )

هنا بديتو تربطون شوي
يعني الDendritic cell حتكتشف الNeoantigens الي طلعت من الخلية السرطانية بعد موتها👍

زين وبعدين شحتسوي❓
هاي الخلايا حتمسك بالNeoantigens وتاخذها لمكان وركزو بالاعجاز الي حيكون هنا
حتاخذها للعقد اللمفاوية
Lymph nodes

⬅️هاي العقد اللمفاوية تعتبر وحدات تدريبية ومعسكرات (نفس معسكرات الجيش) يتم تدريب الT cells بيها او الخلايا المقاتلة مالتنا

شلون احنا دولة العراق عدنا الجيش هو الي يقاتل ويحمينا فهاي الخلايا هي الي تقاتل علمود سلامة جسمك❤️

زين شراح يصير❓
هاي الDendritic cells تجيب الNeoantigens وتعرضه على الT cells وتبدي الخلايا هاي تتعلم وتتعرف ع الانتجينات الخاصة بالخلية السرطانية حتى من تروح لموقع الكانسر هي تعرف شتسوي فهنا دنسوي
Priming of T cells

وبعدها يصير activation و Migration للخلايا المقاتلة T cells لموقع الكانسر


يُتبع✅😁↙️

💬بعد ما طلعت الخلايا المقاتلة من الوحدات التدريبية راح تروح لموقع الكانسر
وهنا حيخطر ع بالكم سؤال انو شلون حتتعرف ع الخلايا السرطانية من بين الآف الخلايا

قابل الخلايا المقاتلة عدها عيون❓
طبعا لا لكن حترتبط بموقع ع سط الخلية السرطانية اسمه
MHC/tumor associated peptide complex or glycolipid CD1 complex

معليكم بأسمائهن بس هي حترتبط بهالموقع وتبدي تفرز مواد تقتل بيها الخلية السرطانية

ممكن احد يسأل سؤال
شنو من جسم هذا البي فقط خلايا مقاتلة لعد وين بقية الخلايا❓
حتجي الخلايا الباقية
لأن الخلايا المقاتلة حتطلع مواد نسميها
Chemokines
وهاي المواد وكأنو تصيح وتلم العالم ع الخلية السرطانية😂

يعني رراح تفضح الخلية السرطانية


طبعا الكلام كان للتوضيح والا هو تفاصيله اكثر واكيد اغلب الكلام سويته بضحك وعامية حتى الكل يفهمه ❤️


بالتوفيق❤️

بعد شي مذكرته بس هو حلو وبي ربط❗️
لمن الخلايا المقاتلة راح تقتل الخلية السرطانية
شراح يطلع منها برأيكم❓
اللي كال Neoantigens احب اكلك انت مبدع🥹
لأن كلنا هالمواد تطلع بعد موت الخلية السرطانية
وبهيج راح تتكرر السايكل هاي وهمين يرحن الانتجينات للعقد اللمفاوية ويتم تدريب خلايا مقاتلة اكثر وكلساع تتكرر العملية

بحيث اذا كان اكو 10 خلايا مقاتلة ممكن خلال فترة يصيرن 100

فديصير عدنا
Amplification of immune system response 🔥

ورغم هذا كله والسرطان يعتبر من افتك الامراض فتخيلو شكد عنيد😢

الله يعافينا ويعافيكم من هالمرض ويشافي مرضاكم🤲

لحد يوم 5/1 حيكون سعر الكورس 20
وبعدها نقفل الاشتراكات❤️

واللي السعر غالي عليه يكدر يتواصل ويانا ويدلل❤️

📱@phcourse3